Iloilo City: Task Force Disiplinado, maga-operate sugod sa masunod nga bulan

By: Aine Grace Bravo | December 19, 2019

via Jeremae Ventar

Iloilo City — Ma-operate ang Task Force Disiplinado sa Diversion Road sa ikaduha nga semana sang Enero.

Suno kay Public Safety and Transportation Management Office (PSTMO) head Jeck Conlu, ginabug-usan ang task force sang LTO, PNP, PSTMO kag Highway Patrol Group.

Tatlo tubtob apat ka personnel ang i-deploy kada kilometro sang 14-km nga kalabaun sang Diversion Road.

Ginpahayag ni Conlu nga 24 oras ang pag-operate sang task force.

Lakip sa mga i-implementar ang Speed Limit Ordinance, Anti-Distracted Driving Act, kag Anti-Littering Ordinance.