Anay barangay kagawad sang Bakhaw, Mandurriao, gintiro patay sang riding in tandem

By: Aine Grace Bravo | December 26, 2019

via Francis Basco

Leganes, Iloilo — Patay ang 61 anyos nga anay barangay kagawad nga gintiro sa Leganes kaina sang hapon.

Gindeklarar nga napatay las 3:15 sang hapon sa Metro Iloilo Hospital sa Jaro si Virgilio Soledad, 61 anyos sang Bakhaw Mandurriao.

Suno kay PEMS Alberto Sarmiento, deputy chief sang Leganes Police Station, may tatlo ka igo sa ulo, tatlo ka igo sa lawas kag isa sa wala nga kamot ang biktima.

Nagasakay sa motorsiklo ang biktima kag papuli na halin sa Iloilo District Jail sa Pototan sang gintiro sang wala pa makilala nga mga suspect nga nagasakay man sa motorsiklo.

Anum ka lupok ang nabatian sang mga tawo sa palibot.

Mga tatlo ka bulan pa lang nakaguwa sa presuhan si Virgilio bangud sa kaso may kaangtanan sa illegal drugs.