Driver sang motorsiklo, patay sang nabungguan sang Toyota Fortuner sa Ajuy; Driver sang SUV, nakapalagyo

By: JoMaque | Disyembre 28, 2019, 8:55am

Iloilo — Patay ang driver sang motorsiklo sang nabungguan sang Toyota Fortuner sa Barangay Culasi, Ajuy kagab-i, Disyembre 27.

Dead-on-arrival sa Barotac Viejo District Hospital si Richard Deasio, 35 anyos sang Barangay Santo Rosario, Ajuy, bangud sang pilas sa ulo kag lawas.

Padayon naman na ginabulong ang iya angkas nga si alyas Mel, 10 ka tuig, nga may pilas sa tuo nga tuhod kag wala nga kamot.        

Suno kay Police Captain Roy Castro, OIC sang Ajuy Police Station, ara na sa police station ang Fortuner pero at-large ang driver nga si certain Clyde Zerrudo sang Sara.