San Enrique Mayor Trixie Fernandez, ipausisa kun may dormant nga bulkan sa banwa kasunod nga magnitude 4.8 nga linog

By: JoMaque | Disyembre 28, 2019, 9am

Iloilo — Nakibot ang taga-San Enrique sang na-record sa banwa ang epicenter sang 4.8 magnitude nga linog nga nagtay-ug sa Iloilo sang Disyembre 26 sang gab-i.

Suno kay Mayor Trixie Fernandez, ini ang labing una nga tiun sa iya pagkadumdom nga San Enrique ang ginhalinan sang linog.

Sa ila pagpangusisa suno sa alkalde, natultulan ang epicenter sa ila boundary sa Banate kag Anilao base man sa record sang PHIVOLCS nga ang epicenter sang linog, pito ka kilometro sa Southwest sang San Enrique.

Ipa-usisa naman ni Fernandez ang mga istorya nga may dormant nga bulkan sa San Enrique nga amo ang Mount Bayoso sa Barangay Abaca agud nga makapreparar ang banwa.        

Sa assessment sang banwa, wala sang kahalitan bangud sa linog.