Pulis nga nakatiro sa kasubong nga pulis sa Guimaras, nakaguwa sa presuhan matapos nakapiyansa

By: JoMaque | Disyembre 28, 2019, 9:17am

Iloilo City — (UPDATE) Nakaguwa sa presuhan si Police Corporal Erwin Ferrer matapos nakapiyansa sang P70,000 kagab-i, Disyembre 27.

 Ginpasakaan sang kaso nga frustrated homicide si Ferrer bangud sa pagtiro sa iya kaupod nga si Police Staff Sergeant Jeremy Minerva sa kampo sang Guimaras Provincial Mobile Platoon sa Jordan, Guimaras sang Disyembre 25.

Ginkumpirmar ni Police Staff Sergeant Arvie Laguting sang Jordan Police Station nga na-file ang kaso las-10 kahapon sang aga matapos nag-abot ang asawa sang biktima nga si Anabelle Minerva nga nag-execute man sang iya affidavit.        

Nagbalibad gihapon si Corporal Ferrer sa paghatag sang pahayag kag ginpabutyag nga atubangon niya ang kaso.

Na-operahan na si Staff Sergeant Minerva kag luwas na sa katalagman.