122, 369 residente sa rehiyon, laban nga indi makaselebrar sang bag-ong tuig sa ila balay pagkatapos sang paglaslas sang bagyo Ursula – OCD 6

By: JoMaque | Disyembre 30, 2019, 9:33am

Iloilo City (UPDATE) — Laban nga indi makaselebrar sang bag-ong tuig ila balay ang 23,131 ka mga pamilya ukon 122, 369 ka mga residente sa rehiyon pagkatapos sang paglaslas sang Bagyo Ursula.

Suno kay Office of the Civil Defense 6 Disaster Risk Reduction Management Division Chief Ma. Aletha Nogra, wala pa nakay-o gid ang balay sang mga natungdan.

Sa data sang OCD 6 as of December 29, 22,121 ka mga pamilya ukon 118, 277 ka mga indibidwal ang naga-tenir sa evacuation center samtang 1, 010 ka mga pamilya ukon 4, 092 ka mga indibidwal naman ang nagatenir sa ila mga himata.

Pinaka-apektado ang Iloilo nga may 1,941 ka mga pamilya ukon 6,322 ka mga indibidwal nga nagatenir sa evacuation center samtang 224 naman ka pamilya ukon 743 ka mga indibidlwa ang nagatenir sa ila mga himata.

Balasan ang pinaka-apektado sa Iloilo nga may 1,128 ka mga pamilya ukon 4,308 ka mga indibidwal nga nagatenir sa evacuation center samtang 765 ka pamilya ukon 3,265 ka mga indibidwal nga nagatenir sa ila mga himata.

Ginsundan ang Iloilo sang Capiz nga may 1,899 ka mga pamilya ukon 8,920 ka mga indibidwal nga nagatenir sa mga evacuation center.

259 ka pamilya ukon 1,272 ka mga indibidwal naman ang nagatenir sa mga evacuation center sa Aklan.

Nagapadayon ang assessment sang Department of Social Welfare and Development sa mga apektado.