Bangkay sang lalaki, nasapwan nga nagautaw-utaw sa suba sa Sta. Barbara

By: JoMaque | Disyembre 30, 2019, 10:07am

Sta. Barbara, Iloilo — Patay na sang nasapwan ang lalaki nga nagautaw-utaw sa suba sa Barangay Agutayan, Sta. Barbara kahapon, December 29.

Ginkilala ang lalaki kay Rosendo Majaducon, 62 anyos nga residente sang Cabugao Sur, Sta. Barbara.

Suno kay Police Staff Sergeant Dave Tabella sang Sta. Barbara Police Station, nasapwan ni Hilbert Alemani nga nagautaw-utaw si Majaducon sa suba gani gilayon nagpahibalo sa mga barangay officials.

Una gin-report nga missing si Majaducon.

Nagapati ang himata ni Majaducon nga nakadalin-as siya kag nalumos.

Ginatugyan naman sang police sa pamilya kon ipa-autopsy ang bangkay agud mahibaluan kon may foul play sa kamatayon sang lalaki.