Mayor Jerry Treñas, new year’s resolution nga indi na mangakig sa masunod nga tuig

By: Aine Grace Bravo | December 31, 2019

via Hotline

Iloilo City — New year’s resolution ni Mayor Jerry Treñas ang indi na mangakig.

Suno sa alkalde, kanugon lang sang iya oras kun i-uyang niya sa pangakig bangud madamo siya sang mga proyekto nga kinahanglan mapatuman sa masunod nga tuig.

Gin-ako sang alkalde nga madamo siya sang mga gin-akigan kag gin-ugtasan sang 2019 bangud  man sang mga reporma nga luyag gilayon ma-implementar sang nagsugod siya sa pagpangalagad.

Para naman sa iya mga kontra sa pulitika, gin-athag sang alkalde nga wala siya sang may kalain sang buot sa mga nangin kasumpong niya. Sa pagkamatuod suno sa iya, naga-updanay sila sang iban nga pulitiko nga indi man niya nakaupod sa ila grupo sang eleksyon.