Lapsag nga ginbilin sa kisame sang CR sa Calinog District Hospital, napatay bangud sang lagub sa ulo

By: Aine Grace Bravo | via Brian Valle

ILOILO, April 6, 2020 — Lagub sa ulo ang ginkapatay sang lapsag nga ginbilin sa kisame sang CR sa ospital sang Calinog sang Biernes, Abril 3.

Suno kay Dr. Armando Dumdum, Chief of Hospital II, premature ang lapsag nga babaye kag ginabanta 32 weeks pa lang sang ginbun-ag.

Posible nga ginhaboy sang iloy ang bata sa kisame bangud sang nakita nga lagub sa iya ulo.

Na-revive pa suno kay Dr. Dumdum sang mga health care workers ang lapsag, apang napatay siya las 11:30 sang aga sang Sabado, Abril 4.