Lalaki nga una ginpatihan naglukso sa bubon sa Balabago, Jaro sang enero, nakit-an sa Pavia

Iloilo- Nakit-an kaina sang hapon sa Pavia si Jesemar Secorsecon, ang lalaki nga una ginpatihan nga naglumpat sa bubon sa Brgy. Balabago, Jaro sang Enero 2.

Suno kay PEMS Rolly Katipunan sang Pavia MPS, nagresponder sila sa Brgy Aganan, Pavia sang nakabaton sang impormasyon nga may lalaki nga nagalakat kag may ginabitbit nga binangon las-tres kaina sang hapon.

Nagpanago pa si Jesemar sa mga kahoy, pero nag-upod man sang ulihi sa mga pulis.

Subong nga adlaw lang nadiparahan sang mga pumuluyo nga nagalakat si Jesemar sa lugar, suno kay Katipunan.

Disyembre 25, 2019 sang napatay ang live-in partner ni Jesemar kag halin sadto, wala na nagakaun kag nagatulog ang lalaki. Suno pa sa iya mga bayaw, nagapahubog na lang si Jesemar tubtob nga nangindulaan siya. Madumduman nga pila ka oras man nga gin-usisa ang naga-ipingay nga mga bubon sa Balabago sang Enero si Secorsecon sa pagpati nga naglumpat siya.