Ikaapat nga batch sang mga OFWs halin sa Metro Manila, maabot sa Iloilo sa Mayo 13

By: JoMaque | May 12, 2020

Iloilo – Maabot sa Iloilo ang ika-apat nga batch sang mga overseas Filipino workers (OFWs) halin sa Metro Manila sa Miyerkules, Mayo 13.

Suno kay Iloilo Governor Arthur Defensor Jr., nakabaton siya sang sulat halin sa MARINA nga nagapahibalo nga may maabot nga mga OFWs.

Ginapreparahan suno sa iya sang provincial government ang pag-abot sang mga OFWs paagi sa ginahimo nga coordination sa mga national government agencies.

Ang magapauli nga mga OFW/seafarers ang taga Iloilo, Guimaras kag Capiz.

Suno sa gobernador, pareho nga koordinasyon sa nagkalain-lain nga ahensiya sang gobyerno ang ila ginahimo kasubong sang ginhimo sang nagligad nga semana sa pag-abot sa Iloilo sang ika-tatlo nga batch.