National task force COVID-19, gin-suspend sang 14 adlaw ang pagbyahe sa mga LSIs kag ROFs pakadto sa Iloilo City, Bacolod City, kag Negros Occidental

By: JoMaque | August 10, 2020

Iloilo City — Sugod sang Agosto 8, gin-suspend sang National Task Force on COVID-19 sang 14 adlaw ang pagbyahe sa mga Locally Stranded Individuals kag Overseas Filipino Workers pakadto sa Iloilo City, Bacolod City, kag Negros Occidental.

Ginpirmahan ni NTF Against COVID-19 chairperson Delfin Lorenzana ang Memo Circular No. 3 series of 2020 angut sini.

Ini ang base man sa hingyo sang Regional Inter Agency Task Force kag Regional Task Force COVID-19 Region VI.

Ginakuhaan pa sang Aksyon Radyo Iloilo sang pahayag ang OWWA-6 angut naman sa pagbyahe sa mga OFWs paagi sa Iloilo Airport.

Una na naghingyo si Mayor Jerry Treñas nga indi lang anay magbaton sang mga LSIs kag OFWs sa syudad sang Iloilo agud makahatag sang tion bangud sang madamo nga mga kaso sang COVID-19 nga na-record.