84 new confirmed cases sang COVID-19, nadugang sa Western Visayas

By: Aine Grace Bravo

ILOILO CITY, August 10, 2020 — 84 ka bag-o nga kaso sang COVID-19 ang nadugang sa Western Visayas subong nga adlaw.

Base sa Case Bulletin No. 136 sang Department of Health 6, nagalab-ut na sa 2,130 ang total cases sang COVID-19 sa rehiyon.

Suno sa DOH 6, 30 cases ang halin sa Iloilo City; 23 sa probinsiya sang Iloilo; 21 sa Negros Occidental; anum sa Bacolod City; duha sa Capiz kag tag-isa sa Aklan kag Guimaras.

Sa bag-o nga kaso, 69 ang local cases, 12 ang Locally Stranded Individuals, kag tatlo ang repatriated overseas Filipinos. | via DOH 6