Amay nga taga-Buenavista, Guimaras nga nagtabok sa Iloilo City para magpakonsulta sang iya bata, nagpositibo sa COVID-19

By: JoMaque | August 13, 2020

Guimaras — Nagpositibo sa COVID-19 ang 25 anyos nga amay nga taga Buenavista nga nagtabok sa Iloilo City agud magpakonsulta sa iya 4 bulan nga lapsag.

Suno kay Buenavista Mayor Eugenio Reyes, Hulyo 29 sang nagkadto sa Iloilo City ang amay upod sa iya asawa kag duha nila ka mga kabataan para magpakonsulta apang wala nadayon.

Sa baylo magpauli sa Guimaras, nagtenir ang magpamilya sa ila balay sa Brgy. Rizal Estanzuela, City Proper,

Wala sang may ginkadtuan nga iban nga lugar ang amay magluwas sang nagbakal siya sang bulong sa botika kag sang face masks.

Hulyo 31 na sang nagbalik sa Brgy Zaldivar, Buenavista ang mag-amay.

Duha ka adlaw pagkatapos nagpauli sa Guimaras,nake-eksperyensiya sang sintomas sang COVID-19 ang amay rason gindala sa ila quarantine facility.

Gin-swab siya kag kahapon, Agosto 11, gin-report sang DOH6 nga nagpositibo siya sa COVID-19.

Ginpa-quarantine naman ang miembro sang iya pamilya kag iban pa gid nga na-identify nga close contacts kag natalana nga i-swab.

Gindala sa isolation facility sa Guimaras ang nagpositibo.

Sang nagligad nga semana, may personnel man sa Local Government Unit sa Buenavista kag call center agent nga nagatrabaho sa syudad nga una ginreport sang DOH6 nga nagpositibo sa COVID-19. | via Aksyon Aljohn Torreta