Mga aktibidad ni PNP Chief Debold Sinas sa PRO6 subong nga adlaw, indi na madayon

Iloilo City — Indi na madayon ang mga aktibidad ni PNP Chief Debold Sinas sa Police Regional Office 6 kahapon, Pebrero 9.

Ini ang ginkumpirmar ni PRO6 Spokesperson Lt. Col. Joem Malong.Suno kay Malong, mabalik sa Manila si Sinas subong nga aga bangud may imbitasyon halin sa senado.

Pebrero 8, nabaton ni Sinas ang imbitasyon.Sa inisyal nga schedule of activities sa pag-abot ni Sinas sa PRO6, may presentation ang PRO6 8:20 subong nga aga kag pagasundan sang press conference.

10:00 A.M. naman ang inisyal nga schedule ni Sinas para sa command conference upod sa mga opisyal sang PRO6.

Pebrero 8, sang nag-abot si Sinas kag iban pa nga mga police officials sa Iloilo City halin sa Negros Occidental.

Halin si Sinas kag iban pa nga mga police officials sa Eastern Visayas antes nagbyahe pakadto sa Western Visayas.