Mina Mayor Rey Grabato, iya asawa, nagpositibo sa COVID-19

Mina, Iloilo—Nagpositibo sa COVID-19 si Mina Mayor Rey Grabato kag ang iya asawa nga si Municipal Administrator Lydia Grabato.

Suno sa alkalde, nagbisita siya sa namatyan sang retired nga pulis sang Pebrero 5 upod ang iya driver.

Ginpahayag ni Grabato nga nagkaon-kaon ang iya driver sa namatyan kag ulihi na nahibaluan nga may nagpositibo didto sa COVID-19.

Posible suno sa alkalde nga ang driver niya ang nag-infect sa iya bangud nagpositibo man siya sa COVID-19.

Indi na kuntani magkadto sa namatyan ang alkalde apang maayo nga pulis ang napatay kag gina-ekspektar siya nga magkadto.

Pebrero 9 nagpa-swab si Grabato bangud gintrangkaso siya kag nagguwa ang resulta sang Pebrero 10 sang gab-i.

“Wala man ako may nabatyag ah,” dugang pa sang alkalde.