Iloilo province, may pinakamadamo nga new cases sang COVID-19 sang Pebrero 14

By: Aine Grace Bravo | February 15, 2021

ILOILO CITY – Nagpanguna liwat ang probinsya sang Iloilo sa may pinakamadamo nga bag-o nga kaso sang COVID-19 sa Western Visayas kahapon, Pebrero 14.

Sa 65 ka new cases nga na-record sang Department of Health 6, 39 ang naghalin sa Iloilo Province; 12 sa Iloilo City; siyam sa Aklan; apat sa Negros Occidental kag isa sa Capiz.

Wala naman sang bag-o nga kaso sa Antique, Guimaras, kag Bacolod City.

15 naman ang nagdugang sa mga naka-recover nga nagdala sa total recoveries sa 22,129.

Wala sang nagdugang sa mga napatay kabangdanan nga nagapabilin sa 719 ang total deaths.

Sa kabug-usan, 24,008 na ang total cases sang COVID-19 sa Rehiyon 6 –1,154 pa diri ang aktibo nga kaso. –via DOH 6