Former chief sang PRO 6 Crime Lab, gin-dismiss sa serbisyo

CAMP DELGADO, Iloilo City – Gin-dismiss sang Philippine National Police si PLTCOL Enrique Ancheta, anay chief sang Crime Laboratory sa Police Regional Office 6.

Ginkumpirmar ini ni PRO 6 spokesperson PLTCOL Joem Malong.

Suno kay Malong, gin-dismiss si Ancheta sa kaso nga dishonesty kag less grave misconduct. Wala sang available nga detalye si Malong sa amo nga mga kaso.

Abril 28 sang gin-isyu ang dismissal order kag may certificate of finality na kag aprubado sang Office of the Philippines.

Epektibo gilayon ang dismissal order, pero pwede pa maka-file sang appeal si Ancheta.

Gin-relieve sa PRO 6 kag ginsaylo sa Kampo Crame si Ancheta pagkatapos nagpa-interview sa media sa Iloilo sa resulta sang paraffin test sa diin iya ginbuyagyag nga pito sa siyam ka napatay sa kontrobersiyal nga joint police and military operation sa Tapaz, Capiz sang Disyembre 30, 2020 ang negatibo sa gunpowder residues. – via Aljohn Torreta