Utang sang PhilHealth sa mga ospital sa Iloilo City, naglab-ut sa P860.5 million
ILOILO CITY — Nagalab-ot sa 860, 498, 324.85 pesos ang utang sang PhilHealth sa mga ospital sa Iloilo City.
Ang PhilHealth ang may pinakadako nga utang sa Western Visayas Medical Center nga may 349.7 Million pesos.
Natalana nga masapol sa Mayo 18 sanday Mayor Jerry Treñas, DOH6, Iloilo City COVID-19 team kag mga hospital directors agud ma-address ang concern sa kapaslawan sang PhilHealth nga magbayad.
Gina-imbitahan man sang alkalde sa Zoom meeting sanday Health secretary Francisco Duque III, Vaccine czar Carlito Galvez Jr., DILG secretary Eduardo Año, Inter-Agency Task Force on Emerging Infectious Diseases Secretary Karlo Nograles , kag PhilHealth President Atty. Dante Gierran.
Ini na ang ikatlo nga bes nga nagsapol angut sa utang sang PhilHealth sa mga ospital.
Nauna na nga ginpahayag ni Mayor Jerry Treñas nga kalabanan sa mga pribado nga ospital ang gina-discourage nga dugangan ang ila bed capacity bangud sa kapaslawan sang PhilHealth nga magbayad. — via Aksyon Jeremae Ventar
