Work places, paghiwat sang social gatherings, ginatudlo nga rason sang pagdamo sang COVID-19 cases sa probinsya sang Iloilo — Gov. Arthur Defensor, Jr.

Iloilo — Indi lang ang ginahiwat nga social gatherings ang ginahalinan sang COVID-19 transmission kundi lakip na sa mga work places sa probinsiya sang Iloilo.

Ini ang ginpahayag ni Governor Arthur Defensor Jr., kasunod sa pagdamo sang COVID-19 cases sa mga banwa sa probinsya.

Kahapon, Hulyo 5, gintalakay ni Defensor sa Provincial Disaster Cluster meeting ang pila ka mga intervention sang Iloilo provincial government sa pagpatuman sang minimum health standards.

Lakip sa programa nga iya gina-implement ang pag-require sang certification for compliant work places sa mga opisina kag establishments sa probinsya.

Padayon man nga ginahingyo sang gobernador sa publiko nga likawan ang paghiwat sang social gatherings kasubong sang birthday party, wedding reception kag iban pa nga aktibidad nga makatipon sang madamo nga tawo agud malikawan ang paglapta sang COVID-19. — via Aksyon Mario Gelongo