Delivery rider, patay sang nakabunggo sa depasahero nga jeep sa Jaro

ILOILO CITY — Patay ang delivery rider sang nakabunggo sa depasahero nga jeep sa Brgy. Quintin Salas, Jaro, las-11:20 kagab-i.

Ginkilala ang biktima kay Lorenz Paul Burgos, 26-anyos samtang ginkilala naman driver sang jeep kay Jobert Jantuda, 38-anyos.

Suno sa Jaro Police, pakadto sa Tagbak Jaro ang jeep kag padulong naman sa Jaro plaza ang motorsiklo apang pag-abot sa Quintin Salas, gulpi lang nang-agaw sang lane ang motorsiklo kag nakabunggo sa jeep nga nagresulta sang pagtabog sang driver.

Gindala pa sa Iloilo Metro Hospital ang driver sang motorsiklo apang napatay.

Gin-custody naman ang driver sang jeep sa Jaro Police Station. — with reports from Aksyon Jil Caceres