Driver sang pick-up lakip ang 2 ka mga sakay, pilason sang nakabunggo sa 6-wheeler truck sa Passi City

ILOILO — Pilason ang driver sang pick-up lakip na ang duha ka mga sakay sang nakabunggo sa 6-wheeler truck sa Agtambo, Passi City las-10:45 kahapon sang aga, Abril 25.

Ginkilala ang driver sang pick up kay Rhenan Alegre, 40-anyos kag ang mga sakay nga kanday Joseph Buenafe, 28-anyos kag Jon-Ar Cachu, 27-anyos, nga lunsay mga residente sang Brgy. Salihid, Barotac Nuevo.

Driver sang truck amo si Marlon Bio, 44-anyos sang Brgy. Jaguimitan, Passi City.Suno kay Police Staff Sergeant Rowell Dave Navarro, Traffic Investigator sang Passi City Municipal Police station, mapadulong kuntani sa Capiz ang pick up sang naglapaw sa wala nga linya sang karsada rason nga nakabunggo sa kasugata nga truck.

Wasak ang unahan nga porsyon sang pick up kag gindala sa ospital ang mga sakay. Wala napilasan ang driver sang truck, pero ginkustodiya sang pulis.