Amay ni Claire Diergos, nagpamalibad nga maghatag sang reaksyon may kaangtanan sa resolution sang Iloilo Prosecutor’s Office sa pagpatay sa iya bata
ILOILO — Nagpamalibad si Samuel Diergos, amay ni Claire Diergos, nga maghatag sang reaksyon may kaangtanan sa resolution sang Iloilo Provincial Prosecutor’s Office nga nagarekomendar nga kasuhan sang murder ang tatlo sa gintudlo sang testigo nakita niya sa guwa sang balay ni Claire sang October 25, 2021 antes nasapwan ang bangkay sang babaye sa Brgy. Inangayan, Sta. Barbara sang October 26, 2021.
Gin-ako ni Mr. Diergos nga nahibaluan niya nga may ginpaguwa na nga resolution ang fiscal, pero nagbalibad siya nga maghatag sang komento.
Base sa resolution nga pirmado ni Associate Provincial Prosecutor Shaun Cary Akot sang Abril 18, 2022, ginrekomendar nga kasuhan sang murder sanday Raffy Sorioso, Gardo Ibrahim kag Ma. Rudelyn Sumbong.
Samtang, si former Mayor Peter Paul Lopez, iya asawa kag tatlo ka bata nga gintudlo sang iban pa nga mga testigo nga ila nakita sa lugar sa diin nasapwan ang bangkay ni Diergos, wala nalakip sa ginrekomendar nga kasuhan.
