Bangkay sang babaye, nasapwan sa sulod sang iya balay sa Carles

ILOILO — Sa initial nga impormasyon, ginkilala ang bangkay kay Rebecca Ortiz, 64 anyos sang Brgy. Guinticgan, Carles suno sa iya hinablos nga si Cris Saber.

Las 6:50 kahapon sang aga, Mayo 1 sang nasapwan ang bangkay ni Ortiz.

Suno kay Police Major Nestor Bacuyag, hepe sang Carles Police Station, yara na sa state decomposition ang babaye sang nasapwan bangud lima ka adlaw na nga nagtenir ang bangkay sa sulod sang balay.

Antes siya nasapwan, nakapanimaho ang mga residente kun maglabay sa balay sang babaye.

Ginpahayag naman sang pamilya nga madugay na may balatian nga diabetes si Ortiz.

Wala na sang plano ang pamilya nga ipa-autopsy ang bangkay.