6 ka kwarto sang staff house sang simbahan sa Mandurriao, nasunog

ILOILO CITY — Totally gutted ang 6 ka mga kwarto sang staff house sang Great Vision Church sa nagluntad nga sunog las-2:40 kahapon sang hapon, Mayo 1 sa Brgy. Bolilao, Mandurriao.

Ginpahayag ni SFO1 Judz Romaquin arson investigator sang Bureau of Fire Protection, naghalin ang kalayo sa kwarto ni Jovanny Benidecto apang padayon pa nga ang imbestigasyon sang BFP kun ano gid ang gintuna-an sang sang sunog.

Nahibaluan nga una na nga nasunog ang amo nga staff house sang Marso 26 bangud sa electrical short circuit.

Gindeklarar nga na-fire out las-3:31 sang hapon kag ginabanta sa P90,650 ang kahalitan sang sunog.