Linibo ka mga Muslim sa Iloilo, ginsaulog ang Eid’l Fitr (Feast of Ramadan) sa La Paz plaza
ILOILO CITY – Ginsaulog sang linibo ka mga Muslim ang Eid’l Fitr sa plaza sang La Paz kahapon, Mayo 2.
Suno kay Abdul Jafar Jerry Macala, presidente sang Iloilo City United Muslim Community, nag-moonsighting ang ila pari ukon Imam kag ila nakit-an ang sinyales sang pagtakop sang Ramadan.
Ginhimo nila ang pagsimba sa guwa sang Mosque agud nga makatambong man ang mga babaye nga may yara sang menstrual period kag makapamati sang sermon sang Imam.
Ginpaathag niya nga indi pwede makasulod sa Mosque ang mga ginaregla.
Nagpasalamat man sila kay Allah kag ginpabutyag nga natun-an nila nga magpasensiya kag mangin maluluy-on sa tiun sang Ramadan.
Ginpangamuyo man nila nga mangin matawhay ang eleksyon, mapilian ang maayo nga lider nga magahimo sang kaayuhan sa pungsod. — with reports from Aksyon Dave Bucayan
