Ceres bus, nakabunggo sa back hoe sa gina-obra nga karsada sa Miagao, Iloilo

ILOILO — Wasak ang bumper sang Ceres bus sang nakabunggo sa back hoe sa gina-obra sa karsada sa Barangay Lanutan, Miagao.

Ginkilala ang driver sang bus kay Henry Cayanan, 54-anyos kag may byahe nga San Jose, Antique kag Iloilo City-vice versa.

Suno kay Police Master Sergeant Jesus Montel Jr, imbestigador sang Miagao police, nadulaan sang control sa ginamaneho nga bus si Cayanan rason nga nakabunggo sa back hoe nga gina-operate ni John-John Ladrillo.

Halin sa San Jose Antique kag pabalik na sa Iloilo City ang bus.

Wala sang may napilasan sa insidente.

Gina-obra ang wala nga portion sang karsada kun pakadto sa direksyon sang Antique. — via Aksyon Angel Mae Ciudad