Lease agreement sang SM Prime Holdings sa Terminal kag Central Markets, unlawful kag illegal — Councilor Plaridel Nava

ILOILO CITY — Unlawful kag illegal ang Lease Agreement sa tunga sang city government kag sang SM Primeholdings para sa redevelopment sang Terminal kag Central Markets.

Naga -isahanon nga nag-object si Councilor Plaridel Nava sa confirmation sang Lease Agreement bangud suno sa iya, may alteration sa original contract kag highly disadvantageous ang kontrata sa City Government.

Ginpahayag ni Nava nga onerous ang terms and conditions kag wala nakabutang nga ma-manage ang City Government sang duha ka merkado.

Nagapati si Nava nga maapektuhan ang mga vendors bangud sini.

Base sa Lease Agreement, ang SM Primeholdings ang mabayad sang total nga P993 million para sa pag-lease sang 49,000 sq. meters .

Apang ang P993 million ang gamiton sang SM Primeholdings para sa pagpakay-o sa duha ka merkado.