SK President sang San Miguel, gintiro ang nakaba-is niya sa social media
ILOILO — Pilason ang 30-anyos nga lalaki sang gintiro sang Sangguniang Kabataan (SK) Federation President sang San Miguel, Iloilosa Barangay San Jose las-10:45 Sabado sang gab-i, Agosto 13.
Ginkilala ang napilasan kay Dyezrelle Malaygay, sang Brgy. San Jose. Suspek amo si Mikhail Tadifa, 24, sang Barangay 11.
Suno kay Police Major Sullen Domingo, hepe sang San Miguel Municipal Police Station, antes ang insidente, nagsabtanay sa social media ang suspek kag biktima tubtob nga naghangkatanay.
Ginpahayag sang pulis nga nagkadto ang suspect sa balay sang biktima kag gintiro gamit ang wala pa matumod nga pusil kag gilayon nga nagpalagyo.
Sa imbestigasyon sang pulis, away sa basketball ang ginatan-aw ginhalinan sang pagsabtanay sang suspect kag biktima.
Tubtob subong, wala pa madakpan ang suspek suno sa pulis.
Kaso nga frustrated murder ang posible atubangon ni Tadifa.
