IPPO OIC PCol Noel Aliño, iga-review ang mga unsolved cases sa probinsya
ILOILO — Ipa-review sang bag-o nagpungko nga Officer-in-charge sang Iloilo Police Provincial Office ang mga unsolved cases sa probinsya.
Suno kay PCol. Noel Aliño, OIC sang IPPO, luyag niya ipakita sa mga Ilonggos ang dedikasyon sa ila trabaho.
Ginpabutyag ni Aliño nga importante ang police visibility para matapna ang mga krimen.
Sa pagpa-athag ni Aliño nga kun may pulis nga makita sa field makabulig ini agud indi madayon ang ginaplano nga krimen.
Dugang pa niya nga ipa-check niya kun ano ang mga kakulangan sang kapulisan sa field.
Suno pa sa iya nga siya ang hepe nga indi makita masami sa sulod sang oopisina bangud mas gusto niya nga yara siya sa field.
Si Aliño ang nagbulos kay PCol Adrian Acollador nga Provincial Director sang IPPO.
