Mag-tiyo nga nagahimu sang paltik nga pusil sa Calinog, dakup sa entrapment operation

Calinog, Iloilo — Dakup ang magtiyo nga nagahimu sang paltik nga pusil sa entrapment operation sang Calinog police sa Barangay Banban Grande. Nadakpan ang tiyo nga si Dionisio Caro, 48-anyos kag iya hinablos nga si Raymund Caro, 28-anyos sang nasambit nga lugar.

Suno kay Senior Inspector Kennith Bermejo, hepe sang Calinog Police Station, nagpakuno-kuno siya nga manugbakal sang long barrel 12 gauge shotgun balor P4,500. Gindakup ang magtiyo sang ginkuha kahapon ni Bermejo ang gin-order nga pusil.

Narecover ang isa ka long barrel 12 gauge shotgun, duha ka short 12 gauge shotgun, duha ka 38 caliber revolver kag mga bala.

Magapangatubang sang kaso ang magtiyo suno kay Bermejo bangud sa paglapas sa Comprehensive Firearms and Ammunition Act. (JoMaque)