32-anyos nga balo, nagreklamo nga ginpuwersa sang pulis nga mag-oral sex sa iya; tagreklamo, nag-alegar nga ginpahug sang pulis nga ‘plantedan’ kon indi magsunod sa iya

Iloilo City–Nagreklamo ang 32-anyos nga balo nga ginpuwersa siya sang pulis sa Jaro nga mag-oral sex sa iya kag ginpahog kun indi magsunod sa ginapahimo sa iya.

Suno kay alyas Donna, natabu ang insidente sang Hunyo 2 sang gab-i samtang nagapakadto siya sa namatyan kag nasugata ang pulis nga iya gin-identify sang ulihi kay PO1 Marken Canillo. Ginpahayag ni Donna nga ginbugno niya ang pulis kag ginhagad nga mapa-namatyan matapos nasal-an nga iya tupad balay. Naka-inom suno kay Donna ang pulis nga naghambal sa iya nga makadto sila sa iya balay kag bangud sa kakulba, nagbalik siya sa ila balay.

Pag-abot sa balay, nagsaka suno sa iya si Canillo sa ibabaw, nagsulod sa kuwarto, ginsiraduhan ang puwertahan kag ginpuwersa ang balo nga i-oral sex siya.

Nagpamahog man suno kay Donna si Canillo nga “plantedan” siya kun indi siya magpati sa sugo sini. Nagahilibi-un suno sa balo ang iya magulang, iloy kag kabataan sa dalum sang balay sa kakulba nga may natabu na sa iya sang naglinong sa kuwarto. Makaligad ang pila ka minutos, nagpanaug ang pulis kag nagahilibi-un nga nagsunod sa iya ang tagreklamo.

Desidido si Donna nga kasuhan si Canillo nga gindis-armahan na kag ginsaylo sa Iloilo City Public Safety Company. (AGB)