(UPDATE) Resolution ni Councilor Ely Estante nga nagaduso sang imbestigasyon sa pagpanghatag sang native chickens sang City Agriculture Office, gin-aprubahan

Iloilo City–Gin-aprubahan sang City Council ang resolution ni Councilor Ely Estante nga nagaduso sang imbestigasyon sa livestock component sang Integrated Community Food Production Program sang City Agriculture Office nga ginppondohan sang National Anti-Poverty Commission.

Ginrefer sa Committee of the Whole nga ginapamunuan man ni Estante ang pag-imbestigar sa reklamo sang mga benepisaryo sang programa nga pisu kag indi talin nga native chickens ang ginhatag sa ila sang supplier nga Foodwealth Agrivet Trading. Posible suno kay Estante nga masugod ang imbestigasyon sa sulod sang duha ka semana bangud makonsulta pa siya sa mga kaupod sa konseho sang mga parameters.

3.5 million pesos ang pondo sang NAP-C para sa 17, 500 ka manok nga ipanghatag pero masobra duha ka libo pa lang ang nadistribute kag may nagkalamatay na suno sa pila ka 4Ps beneficiaries. Ang kada benepisaryo makabaton sang isa ka sulog kag apat ka munga. (AGB)