22-anyos nga iloy sa Sta. Barbara, nagbitay patay

Iloilo City — Nasapwan nga nagabitay ang 22-anyos nga iloy sa sulod sang ila balay sa Sta. Barbara. Suno kay Senior Inspector Rey Pabalan, hepe sang Sta. Barbara Police Station, posible problema sa pamilya ang gintunaan sang insidente. Subong lang nga tuig nagpakasal si Nene kag ang iya bana apang wala na sila naga-upod sa isa ka balay. May duha ka bata sanday Nene kag iya bana. Gindala sa ospital si Nene apang gindeklarar dead on arrival. Wala sang pilas sa lawas si Nene suno kay Pabalan. (JoMaque)