‘We have proven everyone that indeed we are the ‘home of the topnotchers’’—WVSU Presiden sa 100% passing rate sang unibersidad sa 2022 NLE kag 19 nga nakasulod sa Top 10

ILOILO CITY – Ginkalipay ni Dr. Joselito Villaruz, President sang West Visayas State University (WVSU) ang 100% passing rate sang unibersidad sa 2022 Nursing Licensure Examination sa diin 19 ka mga graduates ang nakasulod sa Top 10.

Ginapanginbulahan man ni Villaruz ang mga ginikanan kag faculty members sang College of Nursing (CON) sang unibersidad sa pag-giya sang mga estudyante sa ila nga pag-eskwela.

Ginpabutyag niya nga bangud sini, liwat nga napamatud-an sang unibersidad ang kalidad sang nursing program nga ila ginatanyag.

Dugang niya, “Indi man ako magsiling nga ginapahambog ko. But daw expected na namon na base on the performance of our students and track record in the past.”

Sa matandaan ni Dr. Villaruz, masobra na sa pulo ka tuig nga 100% ang passing rate sang unibersidad sa NLE kag may yara gid nga top notcher. –via Justice Savvanah Pamplona