300 ka manok gin-depopulate sang DA 6 bangud sa bird flu

CAPIZ — Gin-depopulate ukon ginpamatay sang Department of Agriculture 6 ang 300 ka mga manok sa Brgy. Cagay, Roxas City, Capiz.

Ini bangud sa pagpositibo sang manok sa Avian Influenza ukon Bird Flu.

Sa report sang Department of Agriculture (DA) 6 naghalin sa Luzon ang munga nga manok nga gindala sa farm sa nasambit nga lugar.

Nanotisyaran sang tag-iya nga may yara sang nagkalamatay nga manok rason nga gin-surveillance sang DA 6 kag ginpaidalum sa laboratory test.

Una nga nag-negative ang blood samples sang mga manok sa regional laboratory rason nga ginpadala sa Manila para sa confirmatory test kag nagpositibo ang resulta.

Nag-disinfect na ang tag-iya sang farm kag naghimo sang trace back kag trace forward operation.

Ang avian influenza ukon mas kilala nga bird flu isa ka disease nga halin sa avian influenza Type A viruses. Masami nga nagakalatnan ang mga wild aquatic birds kag mahimo nga makalaton sa domestic poultry kag iban pa nga bird animal species.