Tukod sang kontrobersyal nga Ungka Flyover nagbawod

ILOILO – Na-obserbahan ang pagbawod sang tukod nga salsalon sang kontrobersiyal nga Ungka Flyover.

Ginbutangan sang tukod ang Ungka Flyover sugod nga gin-report ang pag-usmod sini nga rason sang pagpasirado sa flyover kag may ginhimo nga shoring. Malapit sa Shell Gasoline Station ang tukod nga nagbawod nga napalibutan sang sin nga kudal.

Ang pagsirado man sang Ungka Flyover ang ginabasol sa pagpugok sang trapiko sa nasambit nga lugar ilabe na kun peak hours.

Ginatinguhaan sang Aksyon Radyo Iloilo nga makuhaan sang explanation ang Department of Public Works and Highways (DPWH) 6 sa rason sang pagbawod sang tukod sang flyover.