1 patay, 2 pilason sa shooting incident sa Leganes
ILOILO — Isa patay kag duha ang pilason sa shooting incident sa isa KTV bar sa Brgy. Cagamutan Sur, Leganes kaina pasado las-12 sa kaagahon, Disyembre 24.
Ginkilala ang napatay kay Cyril Dela Torre, tumandok sang Dumangas, Iloilo.
Samtang ang mga napilasan amo kanday Noel Dela Torre, upod ni Cyril; kag Ezra Prudente nga naga-obra sa KTV bar.
Suno kay PSSg Junrey Laruan, imbestigador sang Leganes Municipal Police Station, isahanon nga naga-inum ang suspetsado sang may natabo nga indi pag-intindihanay sa ila ni Cyril rason nga nagpinalupok sang wala pa ma-identify nga kalibre sang pusil.
Tatlo ka empty shells sang indi pa mahingadlan nga kalibre sang pusil ang na-recover sa lugar.
Dead-on-arrival sa ospital si Cyril samtang padayon nga ginabulong ang duha pa ka mga biktima.
Padayon ang hot pursuit operation sang kapulisan sa suspetsado.
