Bangkay sang 6 ka tuig nga bata nga babaye nga ginpatay sa Estancia nahamyang na sa ila balay

ILOILO — Nahamyang na sa ila balay ang anum ka tuig nga bata nga babaye nga ginpatay kag wala na sang pang-idalom nga panapton sang nasapwan sa Barangay sa Gogo, Estancia sang Disyembre 19.

Padayon nga nagasinggitan ang pamilya Mahinay sang hustisya para sa biktima nga si Jacqueline. Tubtob subong wala pa makilala ang suspek sa pagpatay sa bata.

Wala pa sang petsa ang lubong sang biktima.

Una na nag-apelar ang amay nga si Joven sang bulig pinansyal agud igasto sa pagpalubong sa iya bata bangud pigado gid ang ila pangabuhi. Si Joven ang tricycle driver samtang wala sang trabaho ang iya asawa.

Bangud sini, ginlunsar sang Aksyon Radyo Iloilo ang Operation Bulig para sa pamilya.

Nagapadayon pa nga nagabaton ang Aksyon Radyo Iloilo sang bulig pinansyal para sa pamilya.

As of 9:10am sang Disyembre 26, naglab-ut na sa P59,500 ang natipon sang estasyunan halin sa mga tagpalamati kag FB followers nga natandog ang balatyagon sa panawagan sang pamilya sang ginlunsar Aksyon Radyo Iloilo Operation Bulig.

Sa amo nga kantidad, P10,000 ang initial nga napadala sa pamilya sang Disyembre 23.

Para sa inyo dugang nga bulig, mahimo magpadala sa:

G-Cash number: 0917-754-1576 (Angel Mae Ciudad)