Estancia police may identity na sa nagpatay sa 6 ka tuig nga bata nga babaye

Iloilo –Ginkumpirmar sang Estancia police nga may identity na sila sang suspek nga nagpatay sa anum ka tuig nga bata nga babaye sa Barangay Gogo, Estancia sang December 19.

Suno kay PSSg Dan Gerald Allanes, imbestigador sang Estancia MPS, may nakasugid kun sin-o ang katapusan nga naka-upod sang bata antes siya nasapwan sang Disyembre 19 sang gab-i.

Nagbalibad pa si Allanes sa paghatag sang dugang nga detalye sa suspek.

Nasapwan si Jacqueline sa hilamunon nga parte sang cellsite sa Barangay Gogo nga wala sang pang-idalum nga panapton.

Natapos naman ang pag-autopsy sa bangay agud mahibaluan kun ginhimuslan ang bata pero 10 ka adlaw antes mapaguwa ang resulta.