ILOILO CITY – Masugod na karon sa gab-i ang operasyon sang Public Safety and Transportation Management Office (PSTMO) kag Iloilo City Police Office (ICPO) batok sa mga salakyan nga may magahod nga tambutso.
Gin-ako ni PSTMO Head Jeck Conlu nga madamo na sa ila sang reklamo nga nabaton sa magahod nga tambutso bangud nagadisturbo ini sa publiko ilabe na kun gab-i kag kaagahon. Lakip man ini sa mga mandu ni Mayor Jerry Treñas nga dapat aksyonan.
Gilayon suno sa iya nga gin-brief ang mga personnel sang PSTMO agud magiyahan sang dapat nila himuon kaupod ang ICPO.
Mapili lang sang dalan sa siyudad ang PSTMO kag ICPO kada gab-i sa diin ma-conduct sang checkpoint kag indi pag-ipahibalo sa publiko agud indi makalikaw ang mga motorista nga may magahod nga tambutso.
Nagapati si Conlu nga natahap magguwa kun adlaw ang mga salakyan nga may magahod nga tambutso bangud madamo sang mga traffic aides nga na-deploy kag madasig sila madakpan.
