ILOILO CITY — Masugod ang full deployment sang Site Task Group Dinagyang Festival 2023 sa Martes, Enero 17 para sa seguridad sang kahiwatan.
Suno kay STG Dinagyang Festival 2023 Spokeperson Captain Julieta Sequio, nag-deploy sila kahapon sang initial nga masobra 100 ka police upod ang iban pa nga law enforcers kag force multipliers para sa Opening Salvo.
Dugangan naman sang STG sang ginabanta 7,000 ka police halin sa iban pa nga probinsya ang i-deploy sa syudad sa masunod nga semana.
Ginpabutyag man niya nga bangud sang duha ka tuig nga wala sang face-to-face Dinagyang kag madamo nga side events, ginapaabut nila nga madamo sang local kag foreign tourist ang magabisita sa siyudad.
Naka-alerto naman ang kapulisan suno kay Sequio sa pagresponde sa tanan nga mga insidente nga mahimo magluntad.
Prayoridad sang STG nga mapasiguro nga safe ang pagsaulog sang Dinagyang Festival 2023.
