I-require sang Committee on Peace and Order ang mga bouncers nga ipaidalum sa 16 ka adlaw nga training – 15 ka adlaw nga training sang isa ka pribado nga ahensya kag isa ka adlaw nga training sa Iloilo City Police Office.
Sa Committee Hearing nga ginapangunahan ni Councilor Sedfrey Cabaluna, gindiskusyunan nga ibutang sa proposed ordinance nga naga-regulate sa mga bouncers nga i-identify ang mga establisyemento sa Iloilo City nga i-require ang pag-hire sang mga bouncers.
Pabor ang mga representante sang mga establisyemento pareho sang The Versteck kag The Cave nga ipaidalum sa training ang ila mga bouncers.
Nagalab-ot sa P4,000 tubtob P5,000 ang magasto sang kada establisyemento para ma-train ang ila mga bouncers.
Base sa proposed ordinance, pila sa mga dapat i-hire nga mga bouncers ang may certificate nga nagapamatuod nga nagpaidalum sila sa training, nakapaidalum sa neuro-psychiatric test, kag drug test.
