ILOILO CITY — Na-aktuhan ang menor-de-edad nga nagatinguha sa pagbukas sang kaha nga naga-unod sang benta nga iya ginkawat sa kalan-an sa Barangay Sto. Niño Sur, Arevalo las-4 kahapon sang kaagahon.
Suno sa tag-iya sang kalan-an, nakit-an ni Kagawad George Tiangana ang menor-de-edad nga nagatindog sa tupad sang iya salakyan kag pilit nga ginabuksan ang kaha.
Wala nabatyagan sang tag-iya ang pagpangawat tungod sa ikaduha nga panalgan sang ila kalan-an siya nagatulog.
Ginpabutyag sang tag-iya nga sinsilyo man lang kag iya driver’s license ang unod sang kaha.
Sa paglantaw sang tag-iya, sa likod sang kalan-an nag-agi ang menor-de-edad tungod puwede mataklasan.
