Wala nauyunan ni Iloilo City Mayor Jerry Treñas ang mga ginabaton nga pagpakamaot sa mga taga-siyudad tungod sa pagpugok sang trapiko sa Ungka flyover.
Sa iya nga press conference kaina sang aga, wala napunggan sang alkalde ang magpamuyayaw tungod ginahimo suno sa iya nga “punching bag” ang mga taga-siyudad ilabe na sang mga “appointed employees.”
Ginpalabtikan ni Treñas ang “appointed employees” nga suno sa iya naga-atake sa siyudad nga wala nagapaminsar nga nagadala sang opisina sang gobernador.
Wala naman ginhingadlan sang alkalde ang nasambit nga “appointed employees.”
“Indi ko lang mauyunan nga daw nanamian ang iban nga obrahon nga daw punching bag ang taga-syudad te indi man na pwede, especially for those who are appointed employees. You’re appointed employees. Pinsaron niyo kun maghambal kamo, dala mo ang inyo opisina. Te kun ga-obra ka da sa probinsya gali si Gobernador gahambal sa imo nga obrahon mo, atakehon mo syudad? Y*ta mo eh,” ang pahayag sang alkalde.
Kaina sang aga, linibo ka mga pasahero halin sa probinsya ang napilitan nga magpanaug sa nga depasahero nga salakyan kag naglakat sa ibabaw sang Ungka flyover tungod sang pagpugok sang trapiko.
Madamo naman nga mga netizens ang nagpa-utwas sang ila disappointment sa social media tungod na-late sila sa ila klase kag opisina.
