Lalaki patay sang gintiro sa Dumangas, Iloilo

DUMANGAS, Iloilo – Patay si Juanillo Togonon, Jr. sang natiruhan sa Brgy. Paloc Bigque, Dumangas kagab-i, Pebrero 10.

Suno sa utod nga si John, naga-inum-inom si Juanillo upod ang duha pa niya ka abyan sang nag-abut ang suspect.

Ginpangita sang suspect ang biktima kag gintiro, suno kay John.

Ginalantaw ni John nga pagtimalos ang motibo sa krimen. Ginsaysay ni John nga may natiruhan patay ang ila isa pa ka utod sang tinalikdan nga bulan kag posible nga gindalahig na lang si Juanillo bisan wala siya sang labut sa krimen.

Suno naman kay PMAJ Kenn Albert Lepsia, hepe sang Dumangas Municipal Police Station, may person of interest na sila sa pagpatay sa biktima pero indi pa mahingadlan tungod padayon ang ila imbestigasyon. – via Angel Mae Ciudad