No. 9 most wanted sa Central Luzon nadakpan sa Dingle, Iloilo

Nadakpan sa Barangay Ginalinan Viejo, Dingle ang No. 9 Most Wanted Person sa Central Luzon las-12 kahapon sang udto.

Ginserbihan sang Iloilo Police Provincial Office (IPPO) sang warrant of arrest sa kaso nga murder si Rebino Blanza, Jr., 22-anyos sang Barangay San Roque, Lupao, Nueva Ecija.

Sa impormasyon sang IPPO, si Blanza ang ginatudlo suspect sa kamatayon sang 37-anyos nga beautician sa Barangay San Antonio Esle, Lupao, Nueva Ecija.

Apat na ka tuig nga nagapanago si Blanza sa Dingle antes natultulan, suno pa sa police.

P135,000 nga reward money ang gintanyag sa makahatag sang impormasyon may kaangtanan kay Blanza sa idalum sang DILG Memorandum Circular No. 2021-120.