Carles MPS nakabaton sang reward sa pagka-recover sang P6.8 million nga balor sang illegal drugs sang Enero

ILOILO – Nakabaton sang reward nga P50,000 ang Carles Municipal Police Station nga ginapamunuan ni Police Major Robert Jayson Pancha.

Ginhatag ang cash incentive bilang reward sa madinalag-on nga drug buy bust operation sang Enero 18, 2023 nga nagresulta sa pagkadakup kay Matthew James Bacos sang Brgy. Botongon, Estancia. Sa amo nga operasyon, na-recover ang balor P6,800,000 nga shabu nga tuyo kuntani suno sa mga operatiba nga pasudlon sa Dinagyang Festival.

Ginpangunahan ni Iloilo Police Provincial Office (IPPO) OIC PCOL Noel Aliño ang paghatag sang reward.

Suno sa IPPO, nasantu ang paghatag sa reward sa mandu ni Police Regional Office (PRO) 6 Director PBGEN Leo Francisco nga kilalahon ang mga performing units kag deserving personnel bilang pag-boost sang ila morale kag motibasyon nga magtrabaho sang maayo.