ILOILO — Gindeklarar nga dead-on-arrival sa ospital ang driver sang motorsiklo nga nakabunggo sa elf truck nga may karga nga isda sa Brgy. Lico-an, Barotac Nuevo la-1:30 kahapon sang hapon.
Ini ang ginkumpirmar ni Police Staff Sergeant Renedy Blanco, imbestigador sang Barotac Nuevo Municipal Police station.
Ginkilala ang driver nga napatay kay Jelbert Serenio 31-anyos. Samtang padayon naman nga ginabulong sa ospital ang magulang niya nga si Jessie Serenio, 36-anyos.
Sa imbestigasyon sang police, halin sa Barotac Nuevo ang motorsiklo sang nang-agaw sang linya rason nga nakabunggo sa truck.
Indi pa makumpirmar ni Blanco kun naka-inom ang mga biktima, pero may na-recover nga makahulubog nga ilimnon sa motorsiklo.
Gin-detain sang police ang driver sang truck nga si Benjamin Demandante lll, 40-anyos sang Brgy. Ferraris, Sara.
