18-anyos nga sakay sang motorsiklo patay sang nabungguan sang isa pa ka motorsiklo sa Passi City

ILOILO — Patal nga pilas sa ulo ang ginkapatay sang 18-anyos sang nabungguan sang motorsiklo ang ginamaneho nga motorsiklo sa Brgy. Man-it, Passi City sang Oktubre 2 sang gab-i

Sa impormasyon sang Passi City Police Station, ginamaneho sang napatay nga si alyas Renz, 18-anyos ang Suzuki Smash nga motorsiklo samtang Rusi naman kay alyas Rey, 16-anyos.

Madasig ang pagpadalagan ni Rey sa iya motorsiklo gani naglapaw sa dalan kag nakabunggo sa kasugata nga motorsiklo nga ginamaneho ni Renz kon basehan ang impact sang pagkabunggo, suno sa pulis.

Gindala sa ospital si Renz kag kaagahon napatay. Padayon nga ginabulong sa ospital si Rey nga may pilas sa nagkalain-lain nga parte sang iya lawas.

Nagapahanumdom ang kapulisan nga ibutang sa safety ang kaugalingon agud indi malikawan nga makadigrasya.